الأحد - 24 ديسمبر 2023 - 01:43 م بتوقيت عدن
عدن((عدن الغد )) خاص
انا كبدي وجيعة بها خوشة ،، من باطل الدنيا و أهل التهابيش !! قلت با لي (حتي) يبعد الحوشة ،، ما لقيت في العلب ولا نوشة !! ما بقى فيه غير العوج و الغوشة ،، ضعنا في ذا الزمن بين الغماشيش !! نبا عتق و أصبحنا في العوشة ،، ما لقيت في العلب ولا نوشة !! كبدي جريحة منهم غدت موسة ،، نفسي عزيزة ما بغت هباريش !! من يوم جونا ملقين لنا هوشة ،، ما لقيت في العلب ولا نوشة !! أصورونا بـصجة و لجة و دوشة ،، من شافهم بـيقول ذولا طواهيش !! و هم ما يسوون وكاء ولا قيشة ،، ما لقيت في العلب ولا نوشة !! وين صاحبي الأول رافع الفوشة ،، يجي يداويني جسمي كله طنافيش !! و رأسي تصدع من كثرة الدوشة ،، و ما لقيت في العلب ولا نوشة !! متى أجلس أنا و إياه في الكوشة ،، يمسح همومي هيه و التطافيش !! و نستذكر أيامنا رعيان كُلُّ قفا بوشه ،، و ما لقيت في العلب ولا نوشة !! ـــــــــــــــــــــــــــ - (حتي) : طحين ثمار النبق (الدوم) ، و البعض يسميه رصيع !! #حامد_جعفر_الحامد
