الثلاثاء - 03 مايو 2022 - 06:13 م بتوقيت عدن
عدن((عدن الغد)) خاص
حامد جعفر الحامد ------------- قالوا مرحبا بـالعيد قلت كيف ،، يكون طعم العيد من دونه !! عظامي من الهجران أبترت مثل ،، القلم بمقطاطة ساعة يبرونه !! عشت سنين في الديرة شفت ،، خلق الله من كل ملة و نامونه !! شي سمحة و شي عوجة ما ،، رايت حد في الطبع يشابهونه !! --- حديثه يشرح الخاطر مثل قرص ،، العسل يقطر لما يشنونه !! منه ريحة المسك تتنعثر و عطر ،، الورد و لون الفل بـسنونه !! ما مثيله بين الخلائق قط حتى ،، البدر يستمد نور من نوره !! رمش عينه صاب فؤادي صوب ،، عجزوا الأطباء يداوؤنه !! --- العقل محتار ايش يقول وش ،، يفعل مثل الغبين لما يفطمونه !! آه ريت لي جناحين بـا طير و ،، بـا نثر فوقهم اشواق مكنونة !! حطيت قليبي في حضنهم رهينة ،، عساهم لوجه الله يراعونه !! ان بكى فؤادي عليه دم بدل ،، دموعه بـالله عليكم لا تلومونه !! أمسي أسامر النجم من كثر الحزن ،، ساهن و النفس محنونة !! أغار عليه من هبة الريح فـكيف ،، بـالعيد من دوني يهنونه !! --- ☆☆ ☆☆☆ ☆☆ #حامد_جعفر_الحامد
